ഞാൻ ചിരിക്കുമ്പോൾ 

എന്റെ അരികിൽ വരിക

അപ്പോളൊരു കാറ്റ് വീശും 

ചിലപ്പോ മഴ ചാറും 

ഞാൻ ചിരിക്കയായിരിക്കും 

വിശക്കുന്നവന്റെ ഒരു പാട്ട് 

അവിടെക്ക് കാറ്റൊടോപ്പമെത്തും 

കരയുന്നവന്റെ കണ്ണീർ 

 മഴയോടൊപ്പം പെയ്യും 

പിന്നെ ചിരിയിൽ നിന്നും 

ഒരുനൂറു പൂക്കൾ 

വിഷക്കുന്നവന്റെയും കരയുന്നവന്റെയും 

അടുത്ത് പൂത്തുലയും 

അതിനു എന്റെ വിയർപ്പിന്റെ 

ഗന്ധമായിരിക്കും 

അപ്പോഴും  ഞാൻ 

ചിരിക്കുന്നതെന്തിനെന്നൊർത്തു 

നീയത്ഭുതപ്പെടും 

എന്നെ ഭ്രാന്തനെന്നു വിളിക്കും 

അപ്പോഴും ഞാൻ ചിരിക്കയായിരിക്കും